Në ambientet e punës duhet të jeni më të përmbajtur, pasi shpesh ajo që thoni nuk e dini sesi mund të kuptohet nga kolegët tuaj. Sfida tjetër që kemi gjatë bisedave të ndryshme që zhvillojmë në punë është fakti që shpesh ne e marrim të mirëqenë, që njerëzit arrijnë t’i kuptojnë nuancat e asaj që jemi duke thënë. Por ata shpesh nëse ata ‘ofendohen’ nga ndonjë koment/reagim i yni.
Ndaj këto 12 shprehje përdorini jashtë orarit të punës…
1) “Nuk është problemi im”
Pse nuk duhet ta përdorni: Të gjithë e kemi dëgjuar më parë këtë shprehje dhe veçanërisht kur kemi shumë gjëra nëpër duar është mjaft e thjesht t’i anashkalojmë gjërat që ‘nuk janë problemi ynë’. Fatkeqësisht, në këto lloj rastesh mund të perceptohesh si egoist dhe jo një pjesëtar i mirë i skuadrës.
Çfarë duhet të thoni: Shiko, të rekomandoj të flasësh me (vendos emrin e personit këtu).
2) “Po ne kështu e kemi bërë gjithmonë”
Pse nuk duhet ta përdorni: Njerëzit mund t’i frikësohen ndryshimit, por pavarësisht se ndryshimi ka vlerë si një eksperiencë më shumë kjo nuk e legjitimon këtë lloj justifikimi , pasi ky lloj pozicionimi mund t’ju bëjë të dukeni jo-fleksibël dhe mbase pak kokëfortë.
Çfarë duhet të thoni: Ajo është një qasje tjetër – a mund të më shpjegosh pse është më e mirë?
3) “Nuk kam çfarë t’i bëj më shumë”
Pse nuk duhet ta përdorni: Është e vërtetë që ka raste kur ndjesia e pamundësisë nga ezaurimi i gjithë opsioneve vjen natyrshëm. Por, adoptimi i një qëndrimi pozitiv, të tipit “do t’ia dalë mbanë”, ju lejon të shkoni edhe më tej kundrejt pranimit të dështimit.
Çfarë duhet të thoni: Kam ngelur pak, mund të më ndihmosh për të gjetur zgjidhje të tjera?
4) “Më jep vetëm një minutë ta mbaroj”
Pse nuk duhet ta përdorni: Gjërat rrallë herë mbyllen për një minutë, por veçanërisht në ato momentet kur kolegia jua kërkon me nxitim, ju përpiqeni ta siguroni atë dhe veten që do e mbaroni. Por në fakt gjërat e nxituara rrallë herë dalin mirë.
Çfarë duhet të thoni: Më jep pak kohë, të jap një afat më të saktë.
5) “Nuk ka kuptim fare”
Pse nuk duhet ta përdorni: Të gjithë bëhemi konfuz, por para se të dalim në përfundime të nxituara mbase duhet të konsiderojmë mundësinë që edhe vetë mund të mos ta kemi kuptuar situatën/çështjen plotësisht. Ndaj, në vend të një përgjigje negative mbase duhet ta rikonsiderojmë atë që po na thotë kolegu.
Çfarë duhet të thoni: Nuk jam tërësisht e sigurt për atë që po më thua – mund të më ndihmosh të kuptoj pse është opsioni më i mirë?
6) “E ke gabim”
Pse nuk duhet ta përdorni: Kjo shprehje mund të na shkasë ndonjë herë pa e kuptuar; por në këtë mënyrë jeni duke shkelur etiketën e zyrës dhe po krijoni kundërshtarë pa e kuptuar. Përpiquni të adoptoni një qasje më diplomatike.
Çfarë duhet të thoni: Unë nuk bie dakord dhe ky është arsyetimi sepse… si mendon?
7) “Më vjen keq, por…”
Pse nuk duhet ta përdorni: Rrallë herë e mendojmë mirë kur themi ‘më fal’ pasi shpesh e ndjekim me një justifikim. Por në të vërtetë ky qëndrim e zhbën efektin e një keqardhje të mirëfilltë.
Çfarë duhet të thoni: Më vjen keq për këtë gjë…herës tjetër do të …”
8) “Unë kujtova se …”
Pse nuk duhet ta përdorni: Gabimet mund të bëhen lehtësisht dhe shpesh vijnë si rrjedhojë e keqkomunikimit. Gjithsesi, është më mirë të mos shprehni ato që mund t’i keni marrë si të mirëqena, por sqarohuni për ato që duhen bërë.
Çfarë duhet të thoni: A mund të më sqaroni se çfarë konkretisht prisni nga unë?
9) “Bëra më të mirën e mundshme”
Pse nuk duhet ta përdorni: Që nga koha e shkollës na kanë mësuar të bëjmë më të mirën e mundshme. Por kur ‘më e mira e mundshme’ nuk është e mjaftueshme, atëherë përdoreni si një leksion për t’u mësuar.
Çfarë duhet të thoni: Çfarë mund të bëj më mirë herës tjetër?
10) “Ti duhet të kishe…”
Pse nuk duhet ta përdorni: Nxjerrja në pah e gabimeve kur jemi të acaruar nuk është shumë e vështirë, qoftë edhe vënia e fajit dikujt tjetër apo punës së tyre nuk është detyrimisht pozicionimi i duhur. Përpiquni të jeni më ndërtues (pozitiv).
Çfarë duhet të thoni: Nuk funksionoi – ja çfarë do sugjeroja për herës tjetër….
11) “Mund ta kem gabim, por…”
Çfarë nuk duhet të përdorni: Mund të keni një ide, por na mungon vetëbesimi apo jemi të shqetësuar se të tjerët mund të mos ta marrin seriozisht. Hiqni dorë nga ky qëndrim dhe vijoni të tregoni mendimin tuaj.
Çfarë duhet të thoni: Kam një ide…
12) “Nuk kam pasur kohë”
Çfarë nuk duhet të përdorni: Dihet që dita nuk ka orë të mjaftueshme për t’i bërë të gjitha, ndaj edhe përplasja e prioriteteve me ngutësinë e kohës ndodh shumë shpesh.
Çfarë duhet të thoni: Është më mirë që të jeni proaktiv duke caktuar se kur diçka do jetë e mbaruar, sesa të merreni me justifikimin e vonesës.
