Tatuazhet janë kthyer tashmë në një trend, por studimet e fundit kanë treguar se lyerja e lëkurës me bojëra mund të ketë efekte të dëmshme në organizëm.
Sipas Agjencisë Evropiane të Kimikateve (ECHA) bojërat që përdoren për të bërë tatuazhe përmbajnë substanca të rrezikshme toksike. Përveç problemeve që mund të shkaktojnë në lëkurë dhe që mund të zgjasin disa vite, këto bojëra rrisin edhe rrezikun e prekjes nga kanceri. Grimcat toksike të bojës së tatuazhit depozitohen në shpretkë dhe veshka me anë të gjakut .
Rreziku nga boja blu dhe e kuqe: Sipas një raporti të publikuar nga ECHA, ngjyra e kuqe që përdoret në bërjen e tatuazheve përmban mërkur, ndërsa ngjyra e gjelbër dhe blu përmbajnë kobalt. Duke qenë se këto substanca janë të rrezikshme për shëndetin tonë, kërkuesit u kërkojnë organeve përgjegjëse të gjejnë zgjidhje për këtë problem.
Rreziku nga boja e zezë: Boja e zezë e tatuazheve prodhohet duke përdorur benzopiren, element që kur u përdor mbi kafshë shkaktoi kancer të lëkurës.
