10 vite më parë, Albëria Hadërgjonaj vendosi t’i japë fund martesës me babain e dy vajzave të saj Mentor Hadërgjonaj. Këngëtarja është shprehur se mban marrëdhënie korrekte me të, por kurrë nuk bëri të ditur se përse vendosi të divorcohej. E ftuar në emisionin “Top Show Magazine”, Albëria Hadërgjonaj rrëfeu për herë të parë se bashkëshorti e tradhëtonte.
“Ai kishte dëshirë të ndaheshim që kur u martuam sepse kapte sytë kudo.Tani po bëhen gati 10 vjet që nuk jemi bashkë dhe më duket kot si diskutim. Unë kam pas një martesë që e kam dashurshumë, e doja më shumë se fëmijët e tij. Ai ka qënë burri i parë në jetën time, e ndoshta ato gocat e tjera dinin më shumë se unë se unë isha pa eksperiencë. Ne u martuam shumë të rinj, ai ishte vetëm 21 vjeç, ishte i pasur e me lekë e gocat i shkonin nga pas. Fale njëherë, mbyll një sy e mbyll një vesh e u mbylla fare pastaj. Thash lëre fare.”
Këngëtarja e hitit “Asnjëherë” pranoi se divorci ishte shumë i lehtë!
“S’kam qënë asnjëherë me të. Unë kam qënë në Amerikë, e ai në Rusi. Më pas u arrestua, e ndaj nuk e kisha të vështirë divorcin. Thjesht bëra ato dy fëmijë, e shnet.” – përfundoi Albërie Hadërgjonaj.
