Këngëtarja e njohur e muzikës shqiptare, Irma Libohova ka diskredituar në rrjetet sociale një person që e ka mashtruar dhe nuk e ka paguar për koncertin që ka dhënë në Greqi.
E indinjuar, ajo e ka bërë publike të gjithë historinë në profilin e saj në “Facebook”, ku tregon se është kontraktuar nga një person për të performuar në koncert në Greqi, dhe pasi ka udhëtuar me mijëra kilometra dhe ka shlyer pjesën e saj të marrëveshjes, në fund nuk është paguar.
Këngëtarja shkruan se personi që nuk e ka paguar quhet Ari Kasapi dhe operon nëpërmjet një profili në Facebook me emrin “Koncerte në ishujt greke”.
Irma vazhdon rrëfimin duke treguar se i ka shkruar disa herë mesazhe për të shlyer pagesën që i detyrohet, por nuk ka marrë asnjë përgjigje nga “zotëria” në fjalë.
Pas denoncimit të Irma Libohovës publikisht se ishte mashtruar nga një organizator koncertesh pasi ky i fundit kishte refuzuar të paguante punën , nuk ka vonuar dhe reagimi i të akuzuarit. Ari Kasapi merret me organizim koncertesh në shtetin grek dhe në një prononcim për Ekspress ka treguar se Irma ka gënjyer kur ka ngritur akuzat ndaj tij.
Kasapi është shprehur se ai e ka kryer pagesën por pretendimet e saj ishin të tjera.
“Unë jam këtu dhe nuk jam fshehur ajo lekët i mori por pretendonte gjëra të tjera. Megjithatë këtë do ta zgjidhë Gjykata e Lartë.”- është shprehur organizatori i koncerteve.
Duket se çështja do të përfundojë në Gjykatë nisur dhe nga reagimi i Kasapit edhe pse këngëtarja e njohur Irma Libohova ka treguar se deri tani jo vetëm që nuk ka marrë lekët por nuk ka marrë asnjë një përgjigje pas njoftimeve të njëpasnjëshme.
