I ftuar në emisionin “Pop Culture” në “Top Channel” këngëtari Trim Jetullahu foli për karrierën e tij dhe për suksesin e këngëve që ka publikuar.
Ndër të tjera, shprehu një shqetësim të vogël lidhur me atë çka të tjerët mendojnë për familjen e tij:
“Më thonë që unë e kam familjen e pasur, por unë dua t’ju them të gjithëve diçka, unë nuk e kam familjen e pasur, unë e bëj vetë çdo gjë!”
Në vijim, intervista mes prezantuesve Kelvi Kadilli, Dojna Memës dhe këngëtarit Trim Jetullahu arriti kulmin e saj teksa ai u pyet se çfarë mendon për Dojnën!
Përgjigja e tij i surprizoi të gjithë: “Me Dojna Memën isha martu!”
Më tej, Dojna iu afrua dhe ai i mori dorën, u ul në gjunjë dhe i bëri propozimin klasik për martesë duke i thënë: “Do martohemi bashkë?”
Dojna nuk e mbajti dot të qeshurën dhe iu hodh në qafë duke e përqafuar!
Sigurisht që ishte një improvizim i momentit, në kuadër të show-it!
