Modelen Oriola Marashi si pjesëtare të grupit OTR përgjatë dy viteve të fundit e kemi parë në krah të reperit Noizy, në kafene, videoklipe, në foto në rrjete sociale të ndryshme, etj.
Por raporti mes dy personazheve të njohur, befas u kthye përmbys!
“IconStyle” pak ditë më parë zbuloi se modelja dhe reperi nuk e ndiqnin njëri-tjetrin në Instagram.
Arsyeja mbi një sherr të mundshëm mbeti enigmë, të paktën deri sot.
Si duket Noizy ka vendosur të hedhë pak dritë në këtë çështje duke postuar në Instastory, një foto ku shihet se Oriola ka nisur sërish të ndjekë reperin.
“Kaq ishte”- shkruan këngëtari duke e shoqëruar shkrimin me një emoji duke qeshur me lot.
Ishte një zënkë apo një lojë, këtë nuk mund ta themi me bindje, por për momentin le të mjaftohemi me një: “Kaq ishte!”
