Ai është bërë i njohur për të gjithë ne me bashkëpunimet tij me Noizy-n apo edhe me këngën “Zeshkanja”. Bëhet fjalë për këngëtarin Altin Sulku, i cili sot është bërë baba për herë të parë.
Lajmin e bukur të ardhjes në jetë të djalit të tij, e ka dhënë vet Altini nëpërmjet një postimi në profilin e tij në Instagram.
“Tjetër të të thonë dhe tjetër ta përjetosh këtë ndjesi kaq të bukur. Mirëserdhe në këtë botë biri im Roal. Faleminderit Zot.”, shkruan këngëtari i njohur krahas fotos ku shihet dora e vogël e djalit të tij të sapolindur.
Kaq ka mjaftuar dhe fansat e tij të shumtë kanë nxituar t’i urojnë jetë të gjatë vogëlushit të tij të sapolindur.
