Aktori dhe regjisori ikonë i “Hollywood”-it, Sylvester Stallone, është bërë sërish subjekt i thashethemeve të pabazuara të vdekjes, në internet.
Kjo është hera e dytë që, Sylvester Stallone ka qenë subjekt i mashtrimeve se ka vdekur, pasi një lajm i tillë u shfaq në internet një vit e gjysmë më parë. Stallone është i njohur për rolet e filmave të famshëm si, Rocky Balboa dhe John Rambo.
Por ai vendosi që të reagonte në “Instagram”, për të hedhur poshtë thashethemet menjëherë pas daljes së tyre.
Krah fotos që paralajmëronte vdekjen e tij të rreme, ai shkroi: “Ju lutemi injorojeni këtë budallallëk … Gjallë dhe i lumtur e shëndosh e mirë”.
Lajmi i rrem u përhap edhe në Shqipëri, ndërsa pre e tij ra edhe këngëtari i njohur, Stefi Prifti. Pas dedikimit ngushëllues, reagoi Sidrit Bejleri, i cili me komentin e tij mohoi njoftimin e këngëtarit.
Aktori i famshëm sipas, “Celebrity Net Worth” vlen rreth 400 milionë dollarë.
Burimi: Daily Mail
