Granit Xhaka u transferua te skuadra e Arsenalit dhe e kaloi me sukses sfidën e të sapoardhurit. Tradita e çdo skuadre është që me ardhjen e një futbollisti të ri, ky i fundit duhet të bëjë diçka shumë emocionuese.
Dhe cila ishte zgjedhja e tij?
Futbollisti shqiptar vendosi të këndojë përpara të gjithë shokëve të skuadrës një këngë shqiptare. Gjatë momentit të pushimit në hotelin ku u akomodua skuadra, Graniti hipi në një karrige dhe nisi të këndojë “A e din sa shumë të dua”.
Pavarësisht se kolegët dhe stafi nuk kuptuan asnjë nga fjalët e këngës së Xhakës, ata shijuan dhe e mbështetën gjatë performancës së tij.
Në videon e regjistruar nga Emiliano Martinez, pjesëtarët e tjerë të skuadrës shfaqen duke kërcyer dhe duke duartrokitur lojtarin nga Shqipëria.
