Çifti tashmë është i pandarë! Katy Perry ishte e ftuara speciale në mbrëmjen kulminante të Konventës së Demokratëve, ku u kërkoi amerikanëve që të mbështesin Hillary Clinton dhe jo Donald Trump në zgjedhjet e nëntorit.
Ndërsa vëmendja u kushtua te fjalimi i saj, sytë e disa mediave ishin përqendruar te ana tjetër, shkallët e spektatorëve. Mes turmës ndodhej edhe partneri i saj, Orlando Bloom.
Aktori britanik u kujdes që të mos humbte asnjë moment nga performanca e të dashurës së tij, me të cilën shoqërohet prej disa muajsh. Ai tregoi që është gjithmonë aty për Katy-n, ndërkohë që nuk ia shqiti sytë për asnjë çast, duke e filmuar të gjithë performancën e saj. Si për të thënë kështu se ishte krenar për të.
Bloom ka qenë i martuar më herët me modelen Miranda Kerr, e cila zyrtarisoi së fundmi fejesën me themeluesin e “Snapchat”.
*Shfleto galerinë
Burimi: Daily Mail
