Një tjetër ditë, një tjetër dramë në familjen Kardashian – Jenner.
Këtë herë, Kendall Jenner është personazhi që është “kryqëzuar” në rrjetet sociale pasi revista “Vogue” publikoi fotot që do të shfaqen në edicionin e nëntorit. Fotot janë realizuar në nder të fondacionit Vogue Fashion Fund, por lexuesit nuk duan ta dinë aspak, sepse janë të fokusuar tek flokët e Jenner.
Sipas tyre modelja ka vendosur një paruke me kacurrella shumë të vogla, e njohur ndryshe si “afro”, që rikrijon flokët karakteristike të personave me ngjyrë. Dhe ky veprim është shumë diskriminues sipas tyre, ndaj dënojnë rëndë modelen që ka pranuar.
“Kjo është e tmerrshme! Nuk është aspak e ndjeshme ndaj personave me ngjyrë dhe ofendon shumë njerëz” – shkruante një komentues.
“Përse zgjodhët një supermodele me paruke, kur ka shumë persona me ngjyrë që shkëlqejnë me flokët e tyre natyrale” – komentonte një tjetër.
“Pa pikën e respektit! Kjo nuk është modë, kjo është diskriminim” – tha një tjetër komentuese.
Ndërkohë që fansat besnikë të reality show-t i kanë dalë në mbrotje supermodeles, ku theksojnë se kjo është puna e saj.
Edhe revista “Vogue” u kërkoi ndjesë të gjithë lexuesve, duke theksuar se nuk kishin si qëllim të ofendonin askënd.
