Ben Simmons ishte djaloshi i “NBA”, i cili braktisi të dashurën e tij, këngëtaren Tinashe, për t’u lidhur me supermodelen Kendall Jenner. Dhe mesa dukej, ai arriti t’ia fitonte zemrën Kendall, teksa shfaqeshin tejet të dashuruar në imazhet e fotografuara nga paparacët. Mirëpo dashuria e tyre, nuk zgjati deri në stinën e vjeshtës! Pasi jo vetëm që i dhanë fund lidhjes, por Kendall ka gjetur edhe të dashur të ri.
Supermodelja e familjes Kardashian/Jenner është parë sërish në krahët e vëllait të mikeshave Bella dhe Gigi, djaloshit Anwar Hadid. Burime për “Page Six” kanë bërë të ditur se ata po darkonin së bashku dhe putheshin në mes të turmës, duke mos e vrarë aspak mendjen se kush i shihte.
Le të kujtojmë se kjo nuk është hera e parë që ata shihen duke u përkëdhelur më shumë seç duhet në publik. Pasi në muajin qershor, shkëmbyen një puthje shumë romantike dhe pasionante gjatë festës së “CFDA Fashion Awards”.
Menjëherë pas kësaj, ajo u fotografua sërish me Benn Simmons. Të jetë vallë Anwar, shkaku i ndarjes së tyre?
Tani presim vetëm ta bëjnë zyrtare lidhjen e tyre dhe një super krushqi Kardashian-Jenner-Hadid.
