Dje moderatori Kelvi Kadilli konfirmoi punën e tij të re pas largimit nga “Top Channel”.
Bashkë me Arjola Shehun ai do të moderojnë një emision mëngjesi në “Ora News”, këtë sezon të ri televiziv që nis në shtator.
Lajmin e kanë dhënë nga “burime të sigurta” vetë burimi, Kelvi, i cili ka publikuar dy foto në Instagram pas nënshkrimit të kontratës në studion e “Ora News”.
“Jam i gëzuar t’ju informoj (nga burime të sigurta ?) se do të shihemi në shtator tek @rtvora | Mëngjeset do të jenë ndryshe me mua dhe @arjola_shehu | #bashkimibenfuqine ?”, shkruan ai.
Dyshja me sa duket do të zëvendësojë Dajana Shabanin dhe Besmir Metanin në programin “Ditë e Re” në “Ora News”.
Për këtë ka reaguar vetë moderatorja përmes një komenti në foton e Kelvit:
“Kush te rekrutoi tyyyyyyy ?? Suksese gaforrja e gjimnazit, ma ndero emisionin”, i shkruan ajo duke lënë të kuptohet se ka qenë ajo që e ka kontaktuar.
Më pas një komentues e ka pyetur se ku do ta shohim moderatoren dhe ajo është shprehur se do të jetë surprizë:
