Katy Perry i ka shkrirë të gjithë së qeshuri në episodin e së hënës në spektaklin “American Idiol”, teksa doli në skenë për të kërcyer me një nga konkurrentët gjatë audicionit.
Anëtarja e jurisë e shoqëruar nga muzikantët, Luke Bryan dhe Lionel Richie po vallëzonte ndërsa konkurrentja, Michelle Susset po këndonte këngën e Selenas, “Techno Cumbia”.
Ylli i muzikës pop humbi ekuilibrin dhe u rrëzua në tokë. Kur Perry u rrëzua dhuroi një spektakël për gjithë të pranishmit, ndërsa ekspozoi dukshëm pjesët e saj intime.
Por megjithatë duket se producentët e emisionit reaguan shpejt duke vendosur një logo të emisionit në zonën e ekspozuar.
“Oh Zot, janë disa gjëra që një mashkull nuk mund të mos i shohë”, ka thënë me humor Bryan i cili bashkë me Richie vrapuan për ta ndihmuar këngëtaren e cila ishte në dysheme.
“Janë disa gjëra që duhet t’i bësh për biznesin”, vazhdoi Richie duke qeshur.
Burimi: People
