Më 26 janar legjenda e basketbollit Kobe Bryant ndërroi jetë në një aksident tragjik së bashku me vajzën e tij dhe 6 persona të tjerë.
4 muaj pas kësaj ngjarje të trishtë, është publikuar dje nga Departamenti i Mjekësisë në Los Angeles raporti i autopsisë.
Nga autopsia e publikuar ka rezultuar se piloti nuk ishte në gjendje të dehur dhe as të droguar.
“Shkaku i vdekjes për të nëntë viktimat u vërtetua si traumë e hapur. Mënyra e vdekjes u vërtetua si aksident. Testi nuk zbuloi praninë e alkoolit ose drogave të ndryshme. Trupi i pilotit u testua për substanca, përfshirë benzodiazepines, kokainë, fentanil, heroinë, marijuanë, opioide, fenciklidinë dhe amfetamina”, thuhet në raportin e autopsisë.
Pra, mendohet si shkaku i aksidentit Kobe Bryand ka qenë mjegulla e tepërt.
Kobe Bryant konsiderohet si një prej basketbollistëve më të mëdhenj në historinë e NBA teksa është shënuesi i katër më i mirë në këtë kampionat me mbi 33 mijë pikë të shënuar në karrierë.
Ndërkohë bashkëshortja e tij, Vanessa ka bërë me dije se libri i dytë Kobe “The Wizenard Series: Season One” është hedhur në treg dhe të gjithë adhuruesit e tij mund ta lexojnë.
Më 19 mars të vitit 2019 legjenda e basketbollit botoi librin e tij të parë me titull “The Wizenard Series: Training Training” , i cili u lexua nga mijëra njerëz në të gjithë botën.
Lidhur me serinë e librave të tij, Kobe ka thënë se dëshiron që me anë të tyre t’u nxisë imagjinatën sportistëve të rinj dhe t’i shtyjë të mësojnë më tepër rreth sporteve.
