Viti 2018 ka qenë i familjes Kardashian. Pas gjithë atyre shtatzënive dhe lindjeve, duket sikur mbiemri i tyre është më i fortë se kurrë apo jo?
Epo, në të vërtetë, nuk është.
Vetëm një nga fëmijët e familjes Kardashian-Jenner do t’i sigurojë vazhdimësi emrit të famshëm.
Me fjalë të tjera, i gjithë mbiemri varet te vajza e vogël e Rob Kardashian, Dream. Kjo pasi Kim, Kourtney dhe Khloé Kardashian kanë mbajtur mbiemrat e baballarëve për fëmijët e tyre.
Fëmijët e Kim Kardashian dhe Kanye West quhen: North, Saint dhe Chicago West. Ata kanë marrë mbiemrin e reperit, ndryshe nga Kim që pas dasme mbajti të dy mbiemrat.
Fëmijët e Kourtney Kardashian dhe Scott Disick: Mason, Penelope dhe Reign kanë marrë gjithashtu mbiemrin e babait. Por ndryshe nga Kim, Kourtney dhe Scott nuk u martuan kurrë. Mbiemri i tyre u vendos më tepër si një traditë kulturore që fëmijët marrin mbiemrat e babait.
Vajza e Kylie dhe Travis, Stormi, nuk ka asnjërin nga mbiemrat e prindërve të saj, ose të paktën jo në pamje të parë. Kylie dhe Travis nuk janë të martuar, që do të thotë se Stormi merr mbiemrin e Travis, emri i vërtetë i të cilit është Jacques Webster, pra Stormi Webster.
Vajza e Khloé Kardashian dhe Tristan Thompson’s do të mbajë mbiemrin e të atit: True Thompson.
Si përfundim, Dream, vajza e Rob dhe Black Chyna, është e vetmja që teknikisht do të lejojë vazhdimësinë e mbiemrit, të paktën deri sa Rob të bëhet sërish baba, ose ndonjë nga motrat t’i vendosë fëmijëve të dy mbiemrat, të sajin dhe të partnerit.
Burimi: Cosmopolitan
