Bëhuni gati të shikoni videon më interesante të familjes Kardashian. Femrat më të njohura të showbiz-it u bënë bashkë me rastin e 10-vjetorit e show-t të tyre “Keeping up with the Kardashian”.
Si sot 10 vjet më parë, vajzat i bënin reklamë show-t të tyre duke u shfaqur të gjitha bashkë. Ndaj familja Kardashian është rikthyer me të njëjtin klip, për të risjellë në një format më modern, dhe me një pamje më të kuruar në të gjitha aspektet, nga pamja e tyre e deri të veshja apo mjetet e transportit.
Në klipin e ri Kris Jenner vjen me një helikopter, Kourtney Kardashian relaksohet në pishina, Khloe Kardashian stërvitet në palestër, Kendall Jenner është në backstage në një shfaqje të modës, dhe Kylie Jenner po nget një Lamborghini dhe në dukje merr një gjobë.
Ndërsa Kim, si gjithnjë në karakter, po përgatitet për të veshur një jumpsuit me shkëlqim dhe më pas nxiton për të dalë në portretin familjar dhe për të vjedhur vëmendjen.
