Kanye West rrëfeu hapur për diagnozën e tij si bipoar.
I ftuar në spektaklin “I ftuari im nuk ka nevojë për prezantim” nga David Letterman, 41-vjeçari tregoi për çrregullimin emocional që i shkakton episode të pakontrollueshme.
“Kur je në atë gjendje, je super paranojak për çdo gjë”, u shpreh Kanye, “Njerëzit kanë përvoja të ndryshme, por kjo është e imja. Çdo gjë ngjan si konspiracion. Çdokush të duket si aktor. Të duket sikur qeveria të ka vendosur ndonjë çip në kokë. Të duket sikur po të përgjojnë. Ndjen shumë gjëra.”
“Ka edhe momente kur të duket sikur çdokush do të të vrasë. Nuk i beson më askujt”, u shpreh reperi.
Nuk është hera e parë që Kanye West flet hapur për bipolaritetin, me të cilin u diagnostikua në moshën 39-vjeçare dhe madje, në nëntor të 2016-ës, u shtrua në një qendër shëndetësore për ta trajtuar, pas një krize nervore.
Por mesa duket, pavarësisht trajtimeve, me bipolaritetin nuk ka kthim pas.
Kanye West kujtoi një episod trajtimi kur e vendosën në pranga.
“Të prangosin, të drogojnë dhe të shtrijnë në krevat dhe ti izolohesh nga çdokush që njeh”rrëfeu Kanye.
“Kur je në këtë gjendje, duhet të kesh dikë tek i cili ke besim. Është diçka mizore dhe primitive.”
“Nëse nuk mjekohesh çdo ditë që të qëndrosh në një gjendje të caktuar, ka mundësi të arrish në atë pikë sa mund të përfundosh në psikiatri.”
Reperi u shpreh se dëshiron të luftojë legjendat urbane që ekzistojnë në lidhje me bipolaritetin.
“Është një problem shëndetësor rreth të cilit ekziston shumë paragjykim”, u shpreh Kanye, “Është si të kesh thyer gjurin. Kur dikush ka thyer gjurin, ti nuk shkon t’i biesh.”
Kujtojmë se për këtë qëllim, vitin e kaluar Kanye West publikoi albumin “Ye”, ku rrëfente përmes këngëve realitetin e jetës bipolare.
Një prej këngëve madje titullohej “Sot mendova të të vras”, ku fliste hapur për mendimet negative për shkak të çrregullimit emocional.