Këngëtarja Britney Spears dhe partneri i saj, Sam Asghari, kanë kryer së fundmi vaksinën kundër Covid-19 dhe kanë dhënë përshtypjet e tyre për ndjekësit në rrjete sociale.
Britney tregon se nuk kanë ndjerë asgjë gjatë vaksinimit dhe deri tani nuk kanë asnjë efekt anësor nga vaksina.
“Njerëzit në internet kanë thënë se është shumë, shumë keq, sikur të të hyjë plumbi në krahë. Por nuk është asgjë. Nuk ndjeva asgjë. Jam mirë dhe shpresoj të vazhdojë të jem mirë”, ka thënë këngëtarja.
View this post on Instagram
Para disa ditësh Britney reagoi për herë të parë për dokumentarin shokues “Framming Britney” përmes një postimi në Instgaram. Ajo tregoi se ka qarë për 2 javë pasi është ndjerë e turpëruar nga ato çfarë ka parë në dokumentarin për jetën e saj.
“Nuk e pashë dokumentarin, por nga ajo pak që pashë u ndjeva e turpëruar nga ajo që nxorën… qava për dy javë dhe ende qaj ndonjëherë. Bëj çfarë mundem me anën time shpirtërore duke u përpjekur që të ruaj lumturinë time! Kërcimi më sjell gëzim! Unë nuk jam këtu për të qenë perfekte, perfeksioni është i mërzitshëm, unë jam këtu për të përcjellë mirësi”, është shprehur artistja.
