Në “normalitetin” e ri që po jetojmë të gjithë këto kohë, mbajtja e maskës thuajse është kthyer në një domosdoshmëri për të gjithë! Por, lind pyetja: a shkakton maska puçrra në fytyrë? Përgjigjja është: “Ka shumë të ngjarë, po” – konfirmon Dr. Giovanni Biondo, dermatolog në Institutin Dermoclinic Vita Cutis në Milano. Edhe nëse nuk mund të jesh absolutist në mjekësi, shkaqet e puçrrave prej “maskës” varen nga nxehtësia e tepërt që zhvillohet në lëkurë nën maskë, së cilës i shtohet shkalla më e lartë e lagështisë dhe, rrjedhimisht, e djersës.
Hulumtimi nga Shiseido ka treguar që lëkura e fytyrës e mbuluar nga maska mund të nxehet deri në mbi 30 gradë, madje edhe 34. Kjo rezulton në një tepricë të gjëndrave dhjamore, të cilat dyfishojnë sekretimin e sebumit. Nga këtu deri në formimin e papastërtive dhe pikave të zeza pas një periudhe kohe. Dhe nëse nuk merren disa masa paraprake, këtu shfaqen aknet.
“Përveç kësaj, nëse djersa nuk hiqet, por lihet në lëkurë për një kohë të gjatë, ajo mund të shkaktojë inflamacion, shkak i mëtejshëm i acarimit dhe papastërtive”,vazhdon dermatologu. Shkurt, përzierja e nxehtësisë, lagështisë dhe djersës dëmton estetikën e fytyrës.
Çfarë duhet të bëni kundër akneve në fytyrë për shkak të maskës?
Aksioni i parë që do të vinte në mendje është pastrimi i lëkurës tërësisht. Padyshim që është një ilaç i shkëlqyeshëm, por strategjia e vërtetë “anti-maskë” është para së gjithash për të freskuar lëkurën, pasi është nga rritja anormale e temperaturës. Ekspertët e dermatologjisë kanë studiuar që lëkura e nxehtë ka më pak rezistencë ndaj stresit, e cila nga ana tjetër mund të gjenerojë puçrra.
Prandaj pajiseni veten me ujë termik, ose aloe vera që ndihmojnë për pastrimin e fytyrës. Është e rëndësishme të pastroni lëkurën menjëherë pasi të keni hequr maskën, pa pritur gjumin.
/revistaliving
