Aktori i “BE Coffee” Erion Isai, ditën e sotme është zyrtarizuar nga Partia Socialiste si kandidat për kryetar bashkie në Kolonjë. Zgjedhjet do të mbahen më datën 30 qershor, ndërkohë që mbështetjet për aktorin e njohur nuk kanë munguar.
Moderatori shqiptar Ardit Gjebrea ka qenë një ndër të parët që ka shprehur mbështetjen publikisht për Erionin përmes një postimi në Insta Story:
“Ukrainasit zgjodhën një aktor, komedian e regjisor si president të vendit, ndërsa Erion Isai po e nis nga vendi i origjinës. I mbarë qoftë rrugëtimi yt i sapo nisur.”
Mirëpo pas Ardit Gjebreas, një tjetër gazetare e njohur i ka shprehur mbështetjen Erion Isait. E kemi fjalën për Rudina Xhungën e cila postoi në ‘Instagram’ dy foto të shkëputura nga disa skena xhirimesh të shumë viteve më parë. Bëhet fjalë për një puntatë të ish-emisionit të saj “Shqip” e cila nuk arriti të transmetohej asnjëherë në ekran.
“Kur xhirohej një Shqip në Ersekë, që nuk u dha kurrë, apo jo @bujar_kokonozi . Foto më të bukur, se kjo e Roland Tashos, për të kurorëzuar shpalljen e kandidaturës, së kryetarit të Bashkisë së qytetit tënd, nuk ke ku gjen“, ka shkruajtur Xhunga krah fotos.
Bes Kallaku, kolegu i tij në “Be Coffe”, i ka uruar gjithashtu mbarësi Erionit në kandidimin si kryetar bashkie në vendlindje.
“Përkushtimi dhe pasioni yt për gjërat që do, të kanë sjellë këtu ku je dhe unë e di sa e do vendin tënd të lindjes”, shkruan Besi në urimin e tij.
Dhe ëmbëlsira për në fund! E kemi fjalën për urimin nga bashkëshortja e Erionit.
“Këto kohë më është dashur të shkruaj shumë- herë për arritjet e tua dhe sot është ai momenti që kam shumë për të thënë po nuk di ça të them sa janë aq shume sa nuk i lënë radhë njëra-tjetrës. Unë di vetem të të them që ne të dyja jemi me ty në çdo hap tëndin. Babi Eri të duam shumë. Të vaftë mbarë”, ka shkruar Ajli Petrela.
Nuk na mbetet gjë tjetër veçse të themi: Suksese Erion, bëje Kolonjën një vend më të mirë!