Prerja e flokëve shkurt, nuk ishte thjesht një lëvizje fashion nga Emina Cunmulaj.
Pak orë më parë, modelja postoi në Instagram një foto me look-un e ri dhe sigurisht, pati nga ata që e çmuan e të tjerë që e quajtën një gabim heqjen e “gjysmës së bukurisë”.
View this post on Instagram
Freedom comes in different ways ? Thank you ✂️ @riawna @ninezeroone #shorthair
Sidoqoftë, stilistja e flokëve përgjegjëse për look-un e ri të modeles, Riawna Capri, nuk deshi ta linte pa u vënë re se prerja e flokëve, është në fakt një gjest humanitar, i cili lidhet me historinë personale të Eminës.
“Harroi të përmendë: ngaqë humbi mamanë për shkak të kancerit, deshi t’ia dhuronte flokët dikujt që për faj të kancerit, i ka humbur të gjithë flokët. Dhe kështu bëmë.
Jo vetëm shumë e guximshme, e dashur, empatike, bujare dhe altruiste. Faleminderit që përpiqesh të ndihmosh të tjerët.”
Pak minuta më parë, Emina Cunmulaj vendosi ta sqaronte vetë vendimin e saj për të prerë flokët, përmes një videoje në Instagram.
Mes lotësh, rrëfeu si humbja e mamasë e bëri të ndjeshme ndaj njerëzve që si e ëma, vuajnë nga kanceri.
Emina Cunmulaj e nis videon e saj me një mesazh për të qenë vetvetja, qoftë edhe në zgjedhjet për look-un.
“Pra, ja ku po e them.
Unë mendoj ndryshe. Unë nuk mendoj se në jetë, duhet të mendosh gjithë kohës sesi po të shikon bota, apo si mendon ti se do të të shikojë bota. Unë mendoj se ti duhet të jesh ashtu siç do ti ta shikosh veten.
Nëse do ta shikosh veten me flokë të shkurtër, bëji flokët e shkurtër. Nëse do ta shikosh veten me flokë të gjatë, mbaji të gjatë.”
Emina vijoi të tregonte për ndikimin e madh që pati në jetën e saj sëmundja e mamasë.
Ajo kujton se gjatë kohës kur e ëma ishte sëmurë dhe i ranë flokët për shkak të kimioterapisë, ndihej keq për flokët e vet të gjatë dhe të bukur. Prandaj, vite më parë vendosi t’i priste dhe t’i dhuronte për njerëzit në nevojë.
“5 vite e gjysmë më parë humba mamanë, siç mund ta dini, për shkak të kancerit.
Në muajin e gjashtë, mbaj mend se fillova të ndihesha në faj. Unë kisha flokë të bukur të gjatë. Për shkak të kimioterapisë, mbaj mend se për time më ishte e tmerrshme të mbetej pa flokë.
Kështu që, vendosa t’i prisja flokët dhe t’i dhuroja për bamirësi.”
Emina Cunmulaj dhe bashkëshorti i saj, miliarderi iraniano- amerikan Sam Nazarian, u martuan në qershor të 2015-ës.
Modelja, e cila ka dy vajza, Ella, 3 vjeçe dhe Mia, 1 vjeçe, tha se nuk i mungon asgjë në jetë.
Megjithatë, ajo nuk ndihet e përmbushur vetëm duke shijuar të mirat që i ka dhuruar jeta, ndaj e ndjeu të nevojshme të bënte një veprim në ndihmë të të tjerëve, që kanë më shumë nevojë se ajo për të patur flokë të gjatë e të shëndetshëm.
“Pasi linda dy vajzat e mia të bukura, flokët m’u rritën prapë, shumë.
Thjesht, ndjeva se nuk kam nevojë të kem gjithçka në këtë botë. Sepse unë e kam gjithçka: kam dashuri, kam shëndet dhe gjithçka vjen me shëndetin.
Por, ndonjëherë, të kesh gjithçka nuk të përmbush.
Ndaj, të prisja flokët dhe t’i dhuroja për dikë duke e ditur se do t’i shkonin dikujt i cili ka nevojë më shumë se unë për to dhe që do t’i dhuronte buzëqeshjen, kjo më bën të lumtur.
Kështu, i preva flokët.”
Në gusht të 2017-ës, Emina Cunmulaj vendosi t’i bashkohej nismës “Fundjavë Ndryshe”, për të ndihmuar disa nga familjet e varfra në fshatrat e Shkodrës.
Përvojën e ndau edhe në rrjetet sociale, duke e përshkruar si një realitet të pabesueshëm, sesi njerëzit mund të jetojnë në të tilla kushte edhe në kohët e sotme.
Pas kësaj, Emina Cunmulaj u bë pjesë e bordit drejtues të Fundjavë Ndryshe dhe ka vijuar punën për të ndihmuar familjet shqiptare në nevojë.
