Një koment i Dudës në postimin në Instagram ku Fero thoshte se është reperi më i mirë në botë, ndezi një sërë reagimesh si nga Fero, ashtu edhe më pas nga vetë Duda dhe ndjekësit e tij në Instagram.
Pra, një rikapitullim:
Duda i tha Feros se ai nuk është reperi më i mirë, por shakaja më e madhe në rapin shqiptar, kurse Fero iu përgjigj me ironi duke e pyetur nëse është akoma gjallë dhe duke i thënë se hiti i fundit i Dudës, ka qenë në 2006-ën.
Pas kësaj, Fero realizoi një live në Instagram, ku thoshte se Duda po përpiqej të përfitonte nga fama e tij.
Duda e kërcënoi se do t’i shkonte në shtëpi sapo Fero të kthehej nga Zvicra.
Duda nuk i shkoi në shtëpi.
Sot, reperi i njohur i grupit Double G, Duda, postoi në Instagram një foto ku shpjegon pse nuk e çoi më tej konfliktin me reperin Fero.
“Unë s’mirrna me fmij’ se boll t’mit’ jam t’u i rrit’ e t’u i m’su”, shkruan Duda, ndërsa deklaroi se “e ka falur” Feron këtë herë e megjithatë, s’mban përgjegjësi se çfarë mund t’i bëjnë Feros fansat e vet.
“Ta kam fal unë, a fansat qka bojn, nuk jap përgjegjësi.”, shoqëruar nga etiketat e përhershme për grupin e vet Double G.
Shumë fansa të Dudës, i janë kthyer me kërcënime Feros në rrjetet sociale.
Kujtojmë se vitin e kaluar, reperi i ri u zu mat nga disa të rinj, të cilët e shkelmuan dhe grushtuan në parkingun e një qendre tregtare në Prishtinë.
