Një tjetër ndryshim nga “Facebook”-u, i cili do t’ju kujtojë “Sanapchat”-in. Mediat sociale po modernizon kamerën e saj në aplikacion duke e bërë kështu komunikimin virtual mjaft argëtues. Këto tipare të reja të cilat janë menduar të shtohen nga “Facebook”, janë të ngjashme me “Sanapchat”-in. Karakteristika të reja të përfshijnë maska të animuara për “selfie”, grafika, filtra të ndryshme, por gjithashtu edhe filtra që i përgjigjen lëvizjeve të trupit tuaj.
“Facebook” ka menduar që këto tipare që do të shtohen në “kamerën e re” do të jenë menjëherë të kapshme nga “Neës Feed”, duke bërë që ju të jeni në gjendje për shpërndarjen e fotove, videove edhe privatisht, përmes një kalimi te mesazhet.
“Ne duam të bëjmë shpërndarjen vizuale në “Facebook” më të shpejtë, argëtuese, dhe fleksible”, thotë menaxheri i produktit të ri të kamerës, Sachin Monga.
Pasi të keni hyrë në versionin e ri, ju mund të shihni poshtë filtrat e ndryshme që “Facebook” ka krijuar. Ata përfshijnë çdo gjë, nga veshjet dhe aksesorët që ju mund të vendosni mbi foto, shkrimin mbi fotografi për të treguar se ku ndodheni e deri tek filtra që e bëjnë filmimin tuaj të duket sikur të jetë pikturuar nga Van Gogh.
Një veçori mjaft interesante janë edhe filtrat aktive, që mbulojnë ekranin me gjethe, të cilat mund të largohen me një lëvizje të duarve tuaja. Çdo imazh mund të shihet vetëm një herë, duke u fshirë automatikisht pas 24 orëve.
