Kylie Jenner paraqiti një urdhër ndalimi kundër një të dyshuari për përndjekje që erdhi në shtëpinë e saj disa herë gjatë shtatzënisë së saj të dytë, ka konfirmuar “Life & Style”.
“Kam vuajtur dhe vazhdoj të vuaj, është një shqetësim emocional,” tha Jenner, në dokumentet e gjykatës të siguruara nga “Life & Style”, duke shtuar se ajo është “e frikësuar për sigurinë e saj dhe për sigurinë e familjes”.
“Unë kam frikë prej [tij] sepse ai vazhdon të kthehet në shtëpinë time edhe pasi u arrestua për shkelje,” vazhdoi miliarderja. “Kam frikë se nëse nuk më jepet një urdhër ndalimi, [ai] do të vazhdojë përpjekjet e tij për të hyrë në shtëpinë time.”
Sipas dokumenteve, incidenti ndodhi kur i akuzuari dyshohet se hyri në pronën e saj në Kaliforni duke u hedhur mbi një gardh përpara se të arrestohej dhe të merrej në paraburgim nga “Departamenti i Policisë” së Los Angeles.
Ylli i “Keeping Up With the Kardashians”, e cila tha se “asnjëherë nuk e ka takuar apo komunikuar”, vuri në dukje në raport se ai është përpjekur ta shohë atë në “raste të shumta” gjatë dy muajve të fundit.
Urdhri i ndalimit – i cili u dorëzua nga avokati i Jenner-it Shawn Holley – u dha dhe i pandehuri u urdhërua të qëndronte 100 metra larg shtëpisë së saj.
Ylli i “reality” ka pasur disa muaj të vështirë, ndërsa ajo dhe reperi Travis Scott presin me ankth ardhjen e bebushit, që thuhet se pritet të vijë në jetë diku rreth muajit shkurt. Ata tashmë janë prindër të vajzës Stormi Webster.
