Ilir Shaqiri është ndër balerinët më të sukseshëm, që me talentin e tij ka arritur të prekë majat e karrierës në shtetin fqinj Itali. Në një intervistë në emisionin “Lartë e Poshtë”, balerini shqiptar zbuloi se vendosi të braktiste Shqipërinë, menjëherë sapo përfundoi studimet.
“Ishte periudhë tranzicioni koha kur unë u largova. Kush ka qenë emigrant e di sa e vështirë është 2-3 vitet para. Je thjeshtë një mizë në një botë të madhe dhe askush nuk do t’ia dijë kush je apo çfarë bën. Për më tepër që fama e një shqiptari në vitet ’90 ishte dramatike” – tregoi Ilir Shaqiri.
Balerini shqiptar rrëfeu të gjithë sakrificat e mbijetesës në vitet e tij të para në shtetin fqinj.
“Kam fjetur për gati një vit e gjysmë në një fabrikë çimentoje dhe rroga me të cilën paguhesha duke punuar nëpër shkollat e Sicilisë ishte aq e vogël sa mezi ia dilja. Ato momente mendoja po unë për çfarë kam studiuar dhe punuar. Durova pavarësisht çdo gjëje dhe në fund ja dola. Pata fat” – përfundoi Ilir Shaqiri, i cili së fundmi ndodhet në Shqipëri, pasi është pjesë e jurisë së “Dancing with the Stars”.
