Duka dhe Dukesha e Sussex, Harry dhe Meghan Markle kanë zhvilluar intervistën e tyre të shumëpritur për “Oprah”, ku folën për herë të parë pa dorashka duke rrëfyer detaje që askush nuk i dinte!
“Ne e pamë të vërtetën”, tha së fundmi shoqja e ngushtë e Meghan, Janina Gavankar.
“Ne jemi të gjithë të lumtur që jemi në një epokë të re. Ju e dini, ne duhet të themi të vërtetën. Gjërat janë ndryshe tani, por është bukur t’i shohësh ata tek ndihen të lirë. Nuk e di kush e dinte, por unë e di që familja dhe stafi e dinin. Ne pamë se si u ndërtua një mur rreth saj,” vazhdoi Janina.
Të martën, Pallati Buckingham lëshoi një deklaratë të shkurtër mbi intervistën e Meghan dhe Harry, ku u deklarua se “e gjithë familja është e pikëlluar”.
Janina la të kuptohej se ka të ngjarë që detaje të mëtejshme rreth ngjarjeve pas mureve të pallatit do të dalin në një moment. Gjithashtu, që Meghan dhe Harry kanë shumë mënyra për të provuar anën e tyre të historisë.
“E dini, pasi lexova këtë deklaratë të shkurtër që doli nga Pallati Buckingham sot, unë ndjeva dy gjëra. Unë mendova: Unë jam shumë mirënjohës që ata më në fund po e pranojnë përvojën. Por në anën tjetër, unë e di se familja dhe stafi ishin të vetëdijshëm për shkallën e saj dhe ka shumë email dhe tekste për ta mbështetur atë”, shtoi Janina.
