Ka rezultuar negative ndaj koronavirusit 15-vjeçarja e shtruar te Sanatoriumi, e cila shfaqi simptoma të këtij virusi.
Lajmi është konfirmuar nga Instituti i Shendetit publik, sipas të cilit 15-vjeçarja nga Mokra e Pogradecit, ka rezultuar negative ndaj Koronavirusit.
13:50-Ka pasur kontakt me mjekët e Sanatoriumit, 15-vjeçarja nga Pogradeci dyshohet për Koronavirus
Një 15-vjeçare nga zona e Mokrës në Pogradec ka shfaqur simptoma të koronavirusit.
Sipas “Balkanbweb”, ajo ka qenë e shtruar te Sanatoriumi për katër ditë dhe ka pasur kontakt me stafin e spitalit.
Pasi ka dalë nga spitali vajza është kthyer në Mokër pranë familjes.
Mirëpo nuk ka vonuar shumë dhe menjëherë i janë shfaqur shenjat e para, siç është temperatura.
Asaj i janë marrë analizat dhe tashmë pritet përgjigja.
Nëse adoleshentja rezulton pozitive, do të shënonte pacientin e parë të prekur me koronavirus në qarkun e Korçës.
Kujtojmë këtu se në spitalin “Shefqet Ndroqi”, 8 mjekë dhe infermierë kanë rezultuar pozitivë.
Ata u infektuan nga një pacient, i cili kishte takuar një të afërm të ardhur nga Italia.
Për momentin në vendin tonë janë regjistruar 51 raste me koronavirus, ndërsa një e moshuar ka ndërruar jetë.
Ndërkohë spitali “Shefqet Ndroqi” do të kthehet në karantinën e dytë në vend pas Infektivit./gazetareforma
