Pas rikthimit për pak kohë me këngëtaren Selena Gomez, Justin Bieber vendosi të qëndrojë lumturisht beqar. Mirëpo “Elle” shkruan se këngëtari i hitit “Sorry” është fiksuar pas ish të dashurave, pasi u pa shumë pranë modeles Hailey Baldwin këtë fundjavë në Miami.
Photo of Hailey and Justin Bieber at the Vous Conference in Miami, FL (June 9): pic.twitter.com/7MjqfKPrsV
— Hailey Baldwin News (@HailsUpdates) June 10, 2018
Ata morën pjesë në meshën e Kishës dhe qëndruan gjatë gjithë kohës pranë njëri-tjetrit. Madje mbrëmjen e asaj nate, ata u panë pranë një klubi në Miami, ku shfaqeshin të përqafuar.
Baldwin dhe Bieber, ishin miq të ngushtë përpara se të lidheshin për pak kohë në 2016. Në fund të vitit 2017, ata nisën të komunikonin sërish. Ishte Bieber, i cili kontaktoi Baldwin pasi kërkonte të rikthente miqësitë e humbura, pas ndikimit të Kishës. Mirëpo ky vendim nuk u prit mirë nga Selena Gomez. “Elle” shkruan se, Baldwin ishte arsyeja kryesore përse “Jelena” përfundoi në dyert e terapistëve të çiftit.
Burime pranë Bieber shprehen se ai nuk është i fokusuar tek dashuria, pasi po punon shumë fort për këngët e reja.
“Ai po shijon jetën si beqar. Po punon shumë për projektet e reja muzikore dhe nuk është i fokusuar tek lidhjet” – u shpreh burimi për “E!”.
