Justin Bieber dhe Selena Gomez duket se janë rikthyer së bashku. Daljet e tyre së bashku në publik kanë qenë të shpeshta dhe madje janë fotografuar edhe duke u puthur, por çifti ende nuk e ka pranuar zyrtarisht lidhjen e tyre.
Justin Bieber është vënë në një situatë të sikletshme nga njëri prej gazetarëve të TMZ, i cili e ka pyetur se kur do t’i propozojë Selena-s.
“Justin, a do t’i propozosh Selena-s?”, e pyeti ai ndërsa këngëtari po shkonte drejt makinës së tij.
Justin nuk dha ndonjë përgjigje, por ndonjëherë mimika flet më shumë edhe se fjalët. Një buzëqeshje prej të dashuruari kokë e këmbë mbuloi fytyrën e tij, ndërkohë që po largohej.
“E shoh atë buzëqeshje! Ju jeni vërtetë një çift i bukur.”, vazhdoi gazetari duke i treguar kështu këngëtarit se ai e kishte marrë tashmë përgjigjen e pyetjes që sapo bëri.
