Këngëtarja Juliana Pasha është kujdesur që të mbajë jashtë vëmendjes së publikut jetën e saj private. Por, për ata që nuk e dinë, këngëtarja e njohur është e martuar me një muzikant, më saktësisht me kitaristin Altin Llakaj.
Çifti janë vazhdimisht në shoqërinë e njëri-tjetrit, pasi veç shtëpisë ndajnë edhe punën, meqë Altini është pjesë e orkestrës që shoqëron gjatë performancave live këngëtaren. Sidoqoftë, çastet e tyre intime, përqafimet dhe puthjet e ngrohta i kemi parë rrallë.
Një moment intim është publikuar nga kolegia e saj Olta Boka, e cila ka kapur përmes aparatit çastin kur Juliana dhe Altini janë përqafuar. Sigurisht Olta e ka shoqëruar me humor këtë çast duke qenë se në foot ndodhej edhe një person i tretë, Genti”.
“Dashuria është në ajër. Dhe Genti në mes”, shkruan ajo teksa e poston foton në Instastory.
