Duket se ky sezon i ri televiziv po vjen i suksesshëm për aktorin e njohur të humorit, Julian Dedën.
Së fundmi, ai ka njoftuar se do të jetë një ndër aktorët e filmit të ri të Ermal Mamaqit, “I love Tropoja”, film për të cilin ai ndryshoi edhe look-un e tij, duke u bërë bjond.
Gjithashtu, këtë sezon të ri televiziv, emisioni “Duplex” ku Juli është protagonist, do të vijë në “Tv Klan” me një format të ri dhe surprizat s’ndalen me kaq!
Në një foto të publikuar në profilin e tij në Instagram, aktori njoftoi se shumë shpejt do të na surprizojë me një projekt personal, i cili do të jepet në çdo cep ku flitet shqip.
“Ja keshtu nis ky sezon i ri artistik.
Një film si “I love Tropoja”, një spektakël i ri me një format të ri në “Tv Klan” dhe shumë shpejt diçka personale nga unë, vetëm për ju, në çdo cep ku flitet shqip.
P.s. Këtë të fundit do jua tregoj pak më vonë.”- shkruan Juli krahas fotos, duke na lënë të gjithëve kuriozë se për çfarë bëhet fjalë.
