Pas analizimit të mbi 4 mijë punëve kërkimore apo fushatave publicitare mbi shumëllojshmërinë e ushqimeve dhe pasojat e tyre në organizëm, “Leather Head Food” krijoi menunë perfekte sa i përket përbërësve ushqimorë.
Duke u nisur nga prania e vitaminave, proteinave, përbërësve dhe substancave që ushqejnë zemrën, ndihmojnë qarkullimin e gjakut, përbërësit që luftojnë kolesterolin etj., ata realizuan një matje thuajse matematikore të të gjithë përbërësve ushqimorë të shëndetshëm dhe të dobishëm për organizmin. Rezultati i punës së tyre ishte pjata më e shëndetshme e botës.
Sipas studiuesve britanikë që kanë ‘hartuar’ menunë, çdo ingredient i pranishëm në të ka një qëllim të caktuar: peshku, i pasur me Omega 3 për të mbajtur nën kontroll kolesterolin; drithërat për acidin folik, i dobishëm për trurin; proteinat e mishit për masën muskulare të trupit e deri të frutat e thata që kanë në përbërjen e tyre acidin pantotenik, i cili ndihmon në reduktimin e stresit.
