Xhensila Myrtezaj dhe Bes Kallaku vendosën të publikojnë sot, një vit nga lindja, fotot e para ku duket portreti i vajzës së porsalindur.
Ajka mbush sot një vjeç e megjithatë, gjatë gjithë këtij viti, prindërit e saj shumë të komentuar nga media janë treguar tejmase të kujdesshëm për të mos publikuar asnjë imazh të vajzës që të mund të komentohej e të shpërndahej.
Pak më parë, Xhensila publikoi në Instagram-in e saj imazhe nga ditëlindja e madhe e parë e Ajkës, e konceptuar si një fermë me një tortë në formën e një lope.
Ajo përsëri e mbuloi fytyrën e së bijës por një prej miqve të çiftit të ftuar në këtë mbrëmje, publikoi një video live në Instagram ku duket edhe vogëlushja Ajka plot 1 vjeçe, teksa kërcen në mes të sallës me prindërit.
Doktor Skerdi Faria zbuloi për herë të parë në videon e tij publike – tashmë të fshirë- si duket Ajka sot.
E veshur me një fustan të kuq dhe një kordele në kokë, Ajka duket se sapo ka nisur të hedhë hapat e parë!
