Një intervistë gjatë së cilës Jonida Maliqit nuk iu kujtua fjala “fasadë” në anglisht, u bë sot virale në rrjetet sociale.
Teksa përpiqej të shpjegonte se përpiqet të jetë gjithmonë vetvetja dhe nuk e konsideron veten njeri fals, Jonida Maliqi u ngatërrua e më pas, e mori situatën në dorë duke vijuar aty ku e kishte lënë.
“Unë nuk jam false”, u shpreh Jonida në anglisht.
jonida2 from xing.al on Vimeo.
Por, Olti Currit s’mund t’i shpëtonte një rast i tillë për të realizuar një tjetër video imitimi.
“No no fasadë, jo”, thotë Olti, duke imituar të folurën e këngëtares në anglisht, “Unë nuk jam fals. Unë jam… unë jam i vërtetë.”
“Jam lëkurë origjinale”, thotë blogeri i cili më pas bën provën me çakmak në lëkurën e vet.
Në fund, ai i uron sukses këngëtares, e cila nesër mbrëma do të konkurrojë në gjysmë-finalen e dytë të Eurovision Song Contest, duke kënduar e 14-a.
Imitimet e personazheve të njohur janë kthyer në një rubrikë të përhershme në profilet e Oltit në rrjetet sociale.
Pak javë më parë, imitimi i moderatores së “E Diell”, pas një gabimi logjik të saj në të shprehur, shkaktoi një debat publik mes tyre.
Imitimin e Olti Currit, Fjoralba Ponari e konsideroi “bulizëm”, duke u shprehur se po të ishte videoja e plotë, fjalia e saj nuk do të tingëllonte e gabuar. (lexo këtu)
