Disa zona të kryeqytetit do të kenë mungesë të energjisë elektrike për rreth 8 orë ditën e premte.
Kompania OSHEE bën me dije se stakimi i energjisë do të bëhet nga ora 08:00 e mëngjesit deri në orën 16:00 të datës 17 maj, për shkak të punimeve të OST-së.
Më konkretisht, OSHEE bën me dije se do të mbeten pa energji zonat: Pallati i Sportit “Asllan Rusi”, pallatet pranë karburant “Kastratit” tek Zogu i Zi, rruga “Artan Lenja”, pranë ish-fushës se Aviacionit, Lapraka, rrugët “Pandi Dardha”, “Mati Logoreci”, “Vangjel Noti” dhe zona rreth Spitalit Ushtarak.
