Prezantuesja e njohur shqiptare, Jonida Vokshi ka reaguar për herë të parë live pas thashethemeve për një lidhje me Capital T.
E ftuar në telvizionin INtv, ajo ka vendosur të flasë për jetën e saj private dhe keqkuptimin për një lidhje me një nga reperët më të njohur shqiptarë, pas publikimit të disa fotove.
“E vetmja gjë që më shqetësoi nga të gjitha lajmet që u publikuan, ishte fakti që media për herë të parë ndërhyri në jetën time private. Unë nuk isha përfolur më parë në këtë aspekt dhe kjo gjë më bezdisi. Lajmet dolën sepse fotot që unë dhe Capital-i publikuam përkuan me të njëjtin vend, por jo me të njëjtën kohë. Nuk ka asgjë të vërtetë në ato që janë shkruar.”
E pyetur nga Arjola sesi familja e saj i priti të gjitha këto lajme, Jonida tregon:
“Ata nuk u shqetësuan aspak, sepse kam krijuar një marrëdhënie të tillë me ta, që ata dinë gjithçka çfarë ndodh në jetën time. Unë jam shumë e hapur me familjen time, kështu që tek ata nuk ndikuan të gjithë thashethemet e publikuara”, përfundon Vokshi.
