Arbana Osmani ka treguar se djali i saj i madh, Joni, është i fiksuar pas legove, lodra plastike me ngjyra me të cilat mund të ndërtosh gjëra të ndryshme, shtëpi, kulla etj. Moderatorja na ka treguar herë pas here koleksionin e legove të Jonit dhe madje edhe për vitin e ri i vogli mori një dhuratë të tillë. Arbana me Eduartin i blen Jonit një nga legot më të mëdha dhe sigurisht kjo gjë e lumturoi pa masë të voglin.
View this post on Instagram
Mirëpo siç duket këtë pasion për legot, Joni po përpiqet t’ja pasojë edhe vëllait të tij më të vogël, Diellit. Arbana ka postuar në Instagram një foto, në të cilën shihet Dielli i ulur përballë Jonit, ndërkohë që ky i fundit ka përpara një nga legot e tij.
“Do na grijë nga lekët me këto lego dhe ky tjetri më duket”, ka shkruar Arbana përkrah fotos shumë të ëmbël të vëllezërve, duke përmendur në postim edhe Eduartin.
Sigurisht që këtë gjë ajo e ka shkruar me shaka, sepse ka treguar se dy vogëlushve të saj do ju plotësojë në çdo kohë çdolloj dëshire që do të kenë. Por mbi gjithë të tjerat, Joni siguroi një shok që do e ndihmojë në ndërtimin e legove në të ardhmen.
