Moderatorja e ëmbël e ekranit të “Digitalb” Jona Spahiu është në javët e fundit të pritjes së ëmbël. Së shpejti, ajo do të bëhet nënë për herë të parë e një djali. Ditën e sotme, Jona publikoi një foto të adhurueshme ku tregonte barkun e rrumbullakosur në një fustan të ngushtë ngjyrë bezhë.
Por moderatorja na paralajmëron të mos gënjehemi vetëm nga pamja e bukur, pasi në të vërtetë, shtatzënia nuk është vetëm kjo. Ajo liston nga pagjumësia deri tek problemet shëndetësore, me të cilat është përballur gjatë pritjes së ëmbël.
“Shtatzënia nuk është vetëm të veshësh fustane, më besoni! Të shkosh në tualet apo jo, të vjella, fryrje, urth, pagjumësia, dhimbje shpine. Oh po, shtatzënia është e mrekullueshme” – shkruan Jona Spahiu.
Ajo kurorëzoi dashurinë me partnerin e saj Frenklin Ymeri, në mesin e muajit qershor.
