Johnny Depp dhe Amber Heard arritën më në fund në një marrëveshje të hidhur, për betejën e tyre të zgjatur të divorcit. Avokatët e të dyja palëve kanë qenë kokë më kokë përgjatë ditëve të fundit, ndërsa luftonin për të arritur një zgjidhje për çiftin.
Por mbrëmjen e së hënës, Depp pranoi një marrëveshje, pasi Amber zbuloi se aktori kishte prerë majën e gishtit, duke i dhënë 10 milionë dollarë ish-bashkëshortes së tij. Depp ka një vlerë prej 200 milionë dollarësh. Depp dhe Heard ishin të martuar për vetëm 15 muaj.
Në një deklaratë të përbashkët të publikuare nga “Daily Mail”, çifti e përshkroi marrëdhënien e tyre si “pasionante” dhe ndonjëherë “të paqëndrueshme”, por thanë se asnjë prej tyre nuk kishte për qëllim që të lëndonte tjetrin.
“’Johnny Depp dhe Amber Heard pranuan që të zgjidhnin procedurat e divorcit të tyre privatisht. Ata publikuan këtë deklaratë të përbashkët: “Marrëdhënia jonë ishte tepër pasionante dhe ndonjëherë e paqëndrueshme, por gjithmonë e lidhur nga dashuria. Asnjëra palë nuk ka gënjyer e as ka bërë akuza të rreme për përfitime financiare. Asnjëherë nuk ka pasur qëllim dëmin fizik ose emocional. Amber dëshiron më të mirën për Johnny-n në të ardhmen. Amber do t’i dhurojë të ardhurat financiare nga divorci në një bamirësi. Nuk do të ketë deklarata të tjera publike në lidhje me këtë çështje”, shkruhej në deklaratë.
Media mësoi se marrëveshja u arrit pasi Depp u shkatërrua nga zbulimi i faktit të prerjes së gishtit.
“Historitë për mesazhet në gjak ishin pika e kthesës për Johnny, ai u shkatërrua. Faktet që u zbuluan ditët e fundit e shqetësuan, ai donte vetëm që e gjitha kjo situatë të përfundonte”, tha një burim.
Burime thanë për “Daily Mail” se zgjidhja financiare u finalizua gjatë fundjavës, por pika e debatit ishte formulimi i dokumenteve të divorcit.
Heard kërkoi një deklaratë të përbashkët në të cilin Depp të pranonte se ka ushtruar dhunë, por Depp refuzoi. “Amber është e lumtur me deklaratën, nuk ka qenë asnjëherë për para nga ana e saj, ajo ishte e palumtur me mënyrën që Johnny e trajtoi. Ajo nuk donte ta torturonte aktorin më dhe donte që kjo të përfundonte”, tregon një tjetër burim.
Burimi: Daily Mail
