Mjeku Tritan Kalo ka luajtur një rol shumë të rëndësishëm gjatë këtyre muajve të pandemisë, jo vetëm me kontributin e tij në vijën e parë të luftës në spitalin Infektiv, por edhe me këshillat e ndryshme që jep çdo ditë në intervista a në Facebook.
Ditën e sotme ai e ka nisur me një status drejtuar të gjithë qytetarëve, ku rikujton se vjeshta solli një rikthim të Covid-19, por thekson se nuk duhet të harrojmë gripin dhe infeksionet e tjera virale.
Mjeku këshillon mos t’i nënvlersojmë këto infeksione, po aq sa vë theksin te fakti se nuk duhet vetmjekim apo mbimjekim.
Më tej kërkon të jemi pa panik, mendjekthjellur dhe sigurisht jo të ndikuar nga politika.
“KOHË KOVIDIANE….15.11.2020….Mirmëngjes dhe të Djelë të bardhë miq, të afërm, kolegë dhe bashkëkombas Shqipëri-dashës….Jemi pa as më të voglin dyshim në javët e përballjes me dallgën më të madhe të infeksionit nga Sars-Cov2/Covid-19….Vjeshta solli një RIKTHIM të vrullshëm të goditjes mbi shëndetin dhe jetët tona të këtij infeksioni tinzar, që po na ofron përditë të papritura si në furinë e tij goditësë, po ashtu edhe në larushinë e formave të shfaqjes dhe të ndërlikimeve të tija…Të mos harrojmë se Gripi dhe infeksione të tjera virale i ndajshtohen kësaj dallge….JO nënvlerësim, JO vetmjekim, JO mbimjekim shpesh dëmprurës…Të përpiqemi me URTËSI e jo të panikuar, me MËNDJEKTHJELLTËSI e jo me militantizëm të verbër partiak, me MIRËBESIM reciprok në aftësitë tona individuale dhe ato kolektive se, për ne ASGJË nuku është e pamundëshme për t’u mposhtur përfshirë edhe infeksionin nga Sars-Cov2/Covid-19, NËSE jemi dhe do të qëndrojmë kurdoherë sa bashku….TOGETHER FOREVER!!!,” shkruan mjeku Kalo.
