Shalli kthehet çdo vit në koleksionet më të reja të modës, në të gjitha versionet dhe dizajnet e tij.
Ai është një aksesor që plotëson look-un tonë dhe që të gjitha markat e modës e propozojnë çdo vit në versione interesante që frymëzojnë fshionistat anembanë botës.
E dimë që dy versionet më të përdorura të shallit nga ne, janë vendosja e tij në qafë ose në çantë.
Megjithatë “iconstyle.al” ju sjell disa mënyra të reja të vendosjes së shallit, frymëzuar nga fashionistat shqiptare, për të cilat jemi të sigurt se do t’i përdorni të paktën një herë.
Si lidhëse flokësh
Sarah Berisha sjell versionin më të këndshëm të përdorimit të një shalli, atë si lidhëse flokësh. Në vend të një kapëse ose lidhëse flokësh, mund të përdorni fare mirë një shall me ngjyra dhe dizajn tërheqës, që mund ta kombinoni edhe me veshjen tuaj të ditës.
Si fund
Orinda Huta guxoi me shallin në ngjyrë kafe duke e veshur atë në vend të fundit. Mjafton një kapëse e mirë ose thjesht një lidhje në bel dhe look-u juaj do të kthehet nga i mërzitshëm në shumë cool.
Si bust
Anxhelina kishte versionin më fantastik të veshjes së një shalli si bust gjatë verës. E sigurisht tani që jemi në vjeshtë gjërat ndryshojnë ndaj një këmishë ose T shirt e bardhë e bardhë poshtë tij do të ishte një super kombinim.
Si Turban
Për të gjitha ju femra që e urreni lagështinë e ditëve me shi në vjeshtë, atëherë bëni si Linda Dido dhe vendoseni shallin si turban në kokë për të mbuluar flokët.
Si Kordele
Ose mund të përdorni versionin e Ariana Fejzullahut si kordele për të mbledhur flokët për një look më trendy.
Si aksesor çante
Fashionista Alba Hodo e ka vendosur shallin në çantë, duke i shtuar kështu një element tërheqës aksesorit, për ta kombinuar me pjesën tjetër të veshjes, ose për ta thyer atë.
