Lezhjanët kryesojnë listën e banorëve të një qyteti që shpenzon më tepër për pije alkoolike.
“Monitor” raporton se qarku i Lezhës ka përqindjen më të lartë të shpenzimeve, rreth 5.7%, të cilat kanë shkuar për alkool e cigare.
Ata janë renditur të parët me një diferencë shumë të ngushtë më dibranët, të cilët për një kohë të gjatë kanë ruajtur vendin e parë kur vjen puna për shpenzimet për alkool.
Ndërkohë në vendin e fundit, dhe jo për çudi, renditen banorët më kursimtarë, ata të Gjirokastrës.
Të dhënat nga INSTAT tregojnë se në totalin e shpenzimeve në qarkun e Gjirokastrës, shpenzimet për alkool zinin rreth 2.3%, me rënie krahasuar me një vit më parë dhe më i ulëti ndër qarqe.
