Për lëkurën e marrim me mend se ju ndodhet minimumi një krem mbrojtës ndërsa pushoni buzë detit, por harroni të trajtoni flokët.
Detyrat e shtëpisë për këto pushime janë: tregoni kujdes të veçantë si në plazh, ashtu edhe në dush, madje edhe gjatë natës.
Ashtu si lëkura, edhe flokët duhet të mbrohen në verë nga dielli. Rrezet tij janë të dëmshme, era i than flokët dhe dobëson rrënjën e tyre. Rrezet UV largojnë melaninën që u jep shkëlqim flokëve. Por ekziston zgjidhja: kemi trinomin shampo, balsam, maskë.
Vaji për flokët
Në plazh duhet të mbrojmë flokët nga rrezet e diellit, sepse flokët mund të thahen. Pra, për të shmangur këtë efekt aplikoni vaj me faktor mbrojtës para ekspozimit në diell. Ai do t’i forcojë flokët, do t’i mbrojë nga rrezet e dëmshme dhe do t’u japë shkëlqim. Ashtu si edhe për kremin me faktor mbrojtës, edhe vaji duhet të aplikohet çdo dy orë dhe pas notit.
Kapela
Mund të zgjidhni të përdorni një kapele për të mbrojtur lëkurën dhe për të shmangur djegien nga dielli. Qëndroni nga pak edhe në çadër!
Mblidhni flokët
Mbajini flokët të mbledhur për të shmangur këputjen e tyre, sidomos gjatë dushit. Gjatë ditës mund të bëni gërsheta të ndryshëm, i japin stil pamjes suaj dhe janë praktikë dhe mbrojtës në të njëjtën kohë.
Pini shumë ujë
Hidratimi është i rëndësishëm jo vetëm për trupin dhe shëndetin, por edhe për të pasur flokë të ushqyer. Harrojeni efektin kashtë! Dy litra ujë në ditë i japin flokëve një pamje të shëndetshme dhe rrezatuese.
Lajini flokët nga uji me kripë GJITHMONË
Lajini flokët menjëherë me ujë të freskët pasi të jeni larë në det ose pishinë, për të hequr kripën apo klorin të cilët dobësojnë kurorën e kokës.
