Kur përgjatë gjithë dimrit ke ngrënë ç’të ka dashur qejfi dhe fjala “palestër” ishte thjesht diçka që je munduar të fshish nga mendimet në rastet e brerjes së ndërgjegjes, le të jemi të sinqerta: Nuk mbetet shumë për të bërë për të zhdukur barkun, apo ijet që kërcejnë mbi shtratin e pantallonave, veçanërisht kur pushimet janë fare pranë.
Megjithatë, pas një investigimi të vogël nëpër Tiranë, më rezultoi se një zgjidhje ekzistonte. Bëhet fjalë për Kriolipolizën, trajtimin tërësisht inovator që zbulova në qendrën estetike “My SPA Tirana”.
Por çfarë është Kriolipoliza?
Në takimin e parë me mjeken estetiste të “My SPA Tirana” zbulova atë që do të doja ta kisha ditur prej të paktën dy vitesh, duke qenë se thuajse të gjitha fotot e mia të plazhit janë nga dekolteja e lartë. Kriolipoliza është një trajtim që bën të mundur shkrirjen e qelizave dhjamore duke reduktuar dhjamin e tepërt deri në 5 cm brenda një seance të vetme.
Kriolipoliza ka rezultuar të jetë një sukses i jashtëzakonshëm për vetë faktin se të lejon të trajtosh zona specifike problematike si barku, ijet, kofshët apo krahët me një efektivitet të jashtëzakonshëm dhe mund të bëhet si nga femrat, ashtu edhe nga meshkujt. Dobësimi arrihet në kohë rekord dhe pa asnjë efekt anësor.
Ok tani le të dalim tek ajo që na intereson të gjithëve: Çfarë ndodh gjatë trajtimit?
Pas konsultës paraprake dhe matjeve trupore, arritëm në përfundimin se në total do më nevojiteshin tre seanca me të paktën 3 javë distancë nga njëra tek tjetra. Ndërsa përsa i përket zonave që do të trajtoheshin, zgjodha barkun dhe kofshët. Kështu, u shtriva në shtratin përkrah pajisjes së Kriolipolizës për të nisur fillimisht me pjesën e barkut, ku mjekja estetiste më vendosi një kupë të madhësisë mesatare e cila me anë të një membrane, kryen thithjen e pjesës dhjamore.
Nëse po pyesni me vete se sa dhembje kishte ky proces, më lini t’ju them: Aspak! Pas rreth 10 minutash, për shkak të ftohjes zona e barkut mpihet dhe këtë kohë (trajtimi zgjat një orë), e shfrytëzova për të shpërndarë disa pëlqime në Instagram, për të folur me mamin që i ka mbetur hatri që nuk e marr në telefon dhe për të parë nja dy video në YouTube. Pas një ore, mjekja hoqi kupën dhe më masazhoi zonën e trajtuar derisa mpirja u largua. I njëjti proces u përsërit dhe për pjesën e kofshëvë.
Dhe sot që flasim, fiks 3 javë pas trajtimit të parë, gjejeni pakëz kujt i rrinë të lira xhinset? Po, po! Mua!
Pa u lodhur fare, zona e barkut ka një rënie të dukshme e kofshët po ashtu dhe sipas matjeve të kryera në “My SPA Tirana”, kam humbur 4 centimentra në pjesën e barkut dhe nga tre në secilën kofshë. Pra me dy seancat e radhës, Adriana Lima bën mirë të lirojë rrugën!
