Një ditë pasi të gjitha mediat ndërkombëtare publikuan foto të ҫiftit bashkë me lajmin e ndarjes, vetë këngëtarja është detyruar t’i japë një shpjegim publikut të saj dhe fansave që e ndjekin vazhdimisht.
Në një foto të postuar dje në profilin e saj në “Instagram”, këngëtarja 30-vjeҫare ka pranuar se ajo dhe aktori po bëjnë një pushim në këtë periudhë, por ndërkohë vazhdon të besojë fort te dashuria e tyre.
“Taylor dhe unë kemi besuar gjithmonë se jemi shpirtra binjakë. Si të gjitha ҫiftet, edhe ne kemi ulje-ngritjet tona dhe kjo periudhë ka qenë e tillë, kemi vendosur të bëjmë një pushim. Ne të dy jemi artistë ambiciozë, puna në distancë dhe axhenda e komplikuar e kanë bërë të vështirë mbajtjen gjallë të dashurisë që kemi për njëri-tjetrin. Jemi si gjithë të tjerët dhe e duam shumë njëri-tjetrin” – shkruan Gaga pas kësaj fotoje të publikuar me aktorin 35-vjeҫar.
Mediat ndërkombëtare shkruanin dje se, Lady Gaga dhe Taylor Kinney i kanë dhënë fund marrëdhënies së tyre, pas 5-vjetësh bashkë. Burime të tabloidit Us Weekly, bënin me dije se ka qenë këngëtarja ajo që i ka dhënë fund lidhjes dhe tashmë u bënë disa muaj që ata nuk janë më bashkë.
Aktori i “The Chicago Fire” publikoi një unazë mahnitëse në formë zemre për Shën Valentinin e 2015-ës ndërsa i propozoi Gaga-s. Çifti u takuan në vitin 2011, ndërsa Gaga ishte duke përgatitur këngën “You and I”. Pas kësaj, aktori dhe këngëtarja u takuan edhe disa herë të tjera, derisa zyrtarisht nisën një lidhje pak muaj më vonë. Edhe pse u ndanë për një muaj në vitin 2012, u ribashkuan dhe u duk se gjithçka do të shkonte shumë mirë. Por me sa duket, kaq kishte qenë e shkruar…
