Leonora dhe Ethan punojnë bashkë që prej 8 vitesh. Ata janë të dy inxhiniera dhe punojnë në ushtri.
Ai i ka kërkuar të dalin bashkë që para 8 vjetësh, por Leonora refuzoi, pasi donte të fokusohej në karrierë. Ama në 2019 ai e ka kërkuar përsëri dhe atë herë Leonora pranoi.
Ajo që tërhoqi më shumë vëmendjen ishte veshja e saj në dasmën e çiftit.
“Jo se nuk më pëlqen fustani i bardhë, por më pëlqen më shumë veshja jonë, xhubleta jonë.
Shumë e cilësuan si veshje turke, por nuk ka lidhje, nuk është veshje specifikisht e Rugovës, por është veshje shqiptare. ”,- tregoi Leonora në një intervistë për ABCNews.
Leonora është gjithashtu peshëngritëse. Deri në vitin 2017 ajo përfaqësonte Anglinë, por në vitin 2019 filloi të përfaqësoi Kosovën.
Shqiptarja e Kosovës u shpreh se çifti janë duke menduar për familje dhe e kanë synim t’i mësojnë edhe atyre gjuhën shqip. Ethan gjithashtu dinte të fliste gjuhën shqipe, megjithëse jo rrjedhimisht.
Leonora me origjinë nga Kosova, foli për durimin që ka treguar Ethan me të.
“Shumë nga të afërmit e mi më thoshin se Ethan duhet ta ketë emrin Durim”,- tregoi ajo duke qeshur.
“Më priti goxha vjet dhe gjithmonë insistoi. Më priti derisa unë u ndjeva gati.”,- rrëfeu Leonora duke treguar se është shumë e lumtur pranë britanikut.
