Inskenoi vrasjen dhe u zhduk për 9 muaj, Davide Pecorelli nën 2 akuza nga Prokuroria e Pukës

Biznesmeni italian Davide Pecorelli u gjet i gjallë dy ditë më parë, nëntë muaj pasi inskenoi vrasjen e tij.

Tashmë, ai është akuzuar nga Prokuroria e Pukës për shkatërrim prone me zjarr dhe shkatërrim varresh. Këto dy akuza vijnë pas gjetjes së një mjeti të djegur i cili brenda tij kishte një kufomë.

Pecorelli ka marrë një kufomë në varret e Pukës dhe e ka djegur në mjetin që ka marrë me qira.

Prokuroria italiane ka marrë në pyetje biznesmenin. Gjëja e parë që ka thënë vetë Pecorelli kur është përballur me kamerat, është se duhet të takonte fëmijët. Në momentin që gazetari i TGCom afrohet për ta pyeturr, Pecorelli, i veshur me një palë pantalloa të shkurtra, kapuç, syze dhe maskë anti-Covid, largohet me nxitim, duke thënë se duhet të shkojë tek fëmijët.

Italiani ishte pronar i disa salloneve të bukurisë, midis Umbira dhe Toskana, por para se të intesifikonte zhdukjen, këto biznese ishin përfshirë në krizë ekonomike, duke hyrë në borxhe dhe sipërmarrje të tjera dhe me vetë sipërmarrjen e shtetit.

Për të shmangur pagesën e borxheve, hetuesit dyshojnë se Davide Pecoreli ka inskenuar zhdukjen, duke udhëtuar drejt Shqipërisë dhe më pas duke djegur makinën që kishte marrë me qira në Rinas.