Luana Vjollca ka folur për herë të parë për babain e ndjerë në programin e saj duke përcjellë një mesazh shumë të fortë.
Moderatorja u pyet nëse ka diçka që nuk e ka realizuar ende dhe përgjigja e Luanës nuk kishte të bënte fare me ekranin apo muzikën.
“Unë jam rritur pa baba dhe dua të ndihmoj fëmijët jetimë. Kam ndërmend të nis diçka pë tu ardhur në ndihmë atyre që kanë nevojë e që ende nuk e kam realizuar siç duhet”.
Më pas këngëtari Dani e pyeti se cili është mesazhi që do t’i jepte të gjitha vajzave që fatkeqsisht u mungon figura atërore. Moderatorja u shpreh se nëse femrat bëhen bashkë ato mund t’ia dalin:
“Zëri i femrës është më i fuqishmi që ka bota. Unë jam rritur pa babin në një familje vetëm me femra, ku gjithçka është arritur nga ne dhe nga heroina jonë, mami. Kam parë se si femrat mund t’ja dalin pa një mashkull në familje nëse bëhen bashkë edhe pse prezenca e babait është shumë e rëndësishme. Nëse e mbështesin njëra tjetren bëhen më të forta dhe mund tja dalin mbanë çdo sfide”.
