Veten e quan “Casanova” dhe nga femrat cilësohet si një nga këngëtarët shqiptarë më tërheqës. Dren Abazi nuk tregon shumë detaje për jetën e tij personale, por në një intervistë për “Revista Who” foli lidhur me planet e tij për të krijuar familje.
I pyetur se kur është koha e duhur për të që të nisë diçka serioze, Dreni tha:
“Janë disa gjëra në jetë që nuk i planifikon dot. Pastaj kjo puna e martesës nuk është aq e thjeshtë sa ta shtypësh butonin dhe ja gjithçka është gati. Secili proces në jetë është më i bukur kur vjen natyrshëm, pa sforco… avash-avash”.
Ndërsa pohoi se është një mashkull romantik, kur u pyet si reagon me femrat që flirtojnë me të, Dreni thotë:
“Mundohem të sillem shumë mirë”.
